അല്ല, പിന്നെ!!

എഴുത്തില്‍ പഴയ ചിലത്!
പോര്‍ബന്ധറില്‍ നിന്ന് സബര്‍മതിയിലേക്കുള്ള ദൂരം
  • ലൗ ജിഹാദ്‌ !!!!!
  • കവിത ചൊറിച്ചിലുണ്ടാക്കുന്ന മൂത്രപ്പുരകളോ?
  • ആ നാടുകടത്തല്‍ നൂറുവര്‍ഷത്തിലേക്ക്!
  • രണ്ടായ്‌ മുറിച്ചത്! **
  • പിരിയേണമോ അരങ്ങില്‍ നിന്നുടന്‍?
  • പോത്തിനെ കൊല്ലേണ്ടതെങ്ങനെ?
  • 9/11
  • ഗണപതിക്ക് കുറിച്ചത്!
  • ബിരുദപാഠ്യപദ്ധതി - പഠനപ്രവര്‍ത്തനങ്ങളുടെ മാര്‍ഗരേഖ
  • ഭരണകൂടങ്ങളുടെ ഭീകരവാദം
  • എന്തു പറ്റി മാഷേ?
  • ഗൂഗിളൊരുമ്പെട്ടാല്‍ മൈക്രോസോഫ്റ്റും തടുക്കുമോ?
  • സ്വവര്‍ഗരതിക്കാരെ ഭയക്കുന്നതാര്?
  • കവിതക്കേസില്‍ ഞാന്‍ ഹാജര്‍!
  • ആലോകമലയാളം 4 കോളറക്കാലത്തെ ബ്രാണ്ടി ചികില്‍സ!
  • സുപ്പീരിയര്‍ അഡ്വൈസര്‍ റീലോഡഡ്.
  • സ്വന്തം കൂട്ടില്‍ കാഷ്ഠിക്കുന്ന ഹിംസ്രജന്തുക്കള്‍
  • എ.എം.ഡി.യെന്താ കമ്പ്യൂട്ടര്‍ ലോകത്തെ ദലിതനോ?
  • ശശികുമാറിന്റെ മാനസപുത്രിയെ മര്‍ഡോക്ക് വേള്‍ക്കുമ്പോള്‍
  • ട് വളര്‍ത്തുന്ന അഴീക്കോട്
  • നളിനി ജമീല പാഠപുസ്തകമാകുമ്പോള്‍ !
  • ആലോകമലയാളം :മരച്ചീനിയും മക്രോണിയും
  • മലയാളിയുടെ അനുപ്രയോഗ‌ങ്ങള്‍
  • ചെറിയ കേരളവും വലിയ കോയി തമ്പുരാന്മാരും
  • ബ്ലോഗുകള്‍ക്കു നല്ല നടപ്പോ?
  • ആലോകമലയാളം പന്നിപ്പനിക്കിടയില്‍ ചില പന്നിവിചാരങ്ങള്‍
  • ആലോകമലയാളം . അച്ചാറും പപ്പടവും
  • കമ്യുണിസത്തില്‍ ചില അബോര്‍ഷന്‍ കേസുകള്‍
  • ഭാഷാസൂത്രണത്തിന്റെ മേഖലകള്‍
  • വാക്കുതര്‍ക്കം - പറഞ്ഞവാക്കിന് ഒരു വില വേണ്ടേ?
  • ബിരുദതലപാഠ്യപദ്ധതി പുനസംഘാടനത്തിന്റെ പ്രശ്നങ്ങള്‍
  • ഭാഷാസൂത്രണം-നിര്‍വ്വചനങ്ങള്‍
  • ഭാഷാസുത്രണവും മലയാളവും - പഠനത്തിനൊരാമൂഖം
  • ബിരുദതല പാഠ്യപദ്ധതി പുനഃസംഘടനയും മലയാള പഠനവും
  • ടെലിവിഷന്‍ മലയാളവും ടെലിവിഷന്‍ മലയാളികളും
  • ആര്യദ്രാവിഡ സങ്കലനവും മലയാള വ്യാകരണ സിദ്ധാന്തങ്ങളും
  • Tuesday 23 June 2009

    അക്ഷരം പിഴയ്ക്കുന്നത് ആര്‍ക്കാണ്?

    വിദ്യാഭ്യാസം ഒരു പ്രധാന പരിഗണനയായി നിലനില്‍ക്കുന്ന കേരളം പോലുള്ള സമൂഹത്തില്‍ വിദ്യാഭ്യാസസംബന്ധമായ പ്രശ്നങ്ങള്‍ ഏതായാലും, പാഠ്യപദ്ധതിയും പാഠപുസ്തകവും അടക്കം എന്തും വലിയ വിവാദങ്ങള്‍ക്ക് വഴിവെക്കുന്നത് സ്വാഭാവികം. എന്നാല്‍ വിദ്യാഭ്യാസത്തിന്റെ മൂല്യം, ദര്‍ശനം, സാമൂഹ്യനീതി, ബോധന - മൂല്യനിര്‍ണ്ണയപദ്ധതി തുടങ്ങിയ കാതലായ പ്രശ്നങ്ങള്‍ക്ക് പകരം താരതമ്യേന അപ്രസക്തവും നിക്ഷിപ്ത താല്പര്യങ്ങള്‍ നിലനിര്‍ത്തുന്നതുമായ മേഖലകളില്‍ ആണ് വിവാദങ്ങള്‍ കൊഴുക്കുക പതിവ്. വിദ്യാഭ്യാസത്തെ സംബന്ധിച്ച ആരോഗ്യകരമായ ചര്‍ച്ചകളിലേക്കല്ല, വിദ്യാഭ്യാസം തന്നെ മുടക്കുന്ന സംഘര്‍ഷങ്ങളിലേക്കാണ് അവ ചെന്നെത്തുക. ജീവനില്ലാത്ത മതവും സ്വാശ്രയ നിയമവുമൊക്കെ ആയി കഴിഞ്ഞ അധ്യയന വര്‍ഷം ബഹളമയമായിരുന്നു. പുതിയ വര്‍ഷവും വ്യത്യസ്ത ചിത്രമല്ല നല്‍കുന്നത്. പാഠപുസ്തകങ്ങളിലെ തെറ്റുകളിലും ദുസ്സുചനകളിലും ഒക്കെ തന്നെയാണ് അത് കറങ്ങി തിരിയുന്നത്. അത്ര ലാഘവത്തോടെയും ഉത്തരവാദിത്തമില്ലാതെയും ആണ് പാഠ്യപദ്ധതിയും പാഠപുസ്തകവും തയ്യാറാക്കുന്നത് എന്നു വരുമോ? ഇനി മുതല്‍ പുസ്തകം തയ്യാറാക്കുന്നവരുടെ പേരുവിവരം പുസ്തകത്തില്‍ തന്നെ അച്ചടിക്കുമത്രെ. തല്ലാനും കൊല്ലാനുമൊക്കെ ഇനി അഡ്രെസ്സ് നോക്കി പോയാല്‍ മതി. തെറ്റായ പാഠത്തിന്റെ പേരില്‍ കഴിഞ്ഞയാഴ്ച്ച ചില അധ്യാപകരുടെ പണി പോയി. പുസ്തകം അംഗീകരിച്ച് ഉറപ്പിച്ച എസ് സി ആര്‍.ടി തമ്പുരാക്കന്മാര്‍ക്ക് ഒന്നും സംഭവിച്ചതുമില്ല. ഇനി പാഠ പുസ്തകം തെറ്റില്ലാതെ ഇറക്കാന്‍ ഒരു കമ്മീഷന്‍ തന്നെ രൂപികരിക്കാന്‍ പോകുന്നു എന്ന് മന്ത്രിയും പ്രസ്താവിച്ചു കഴിഞ്ഞു. ഈ കോലാഹലങ്ങള്‍ക്കിടയില്‍ ഉള്ളടക്കത്തെ പറ്റിയുള്ള ഗൗരവഭാവത്തിലുള്ള ഒരു അന്വേഷണവും എവിടെയും കണ്ടില്ല.
    വിദ്യാഭ്യാസവുമായി ബന്ധപ്പെട്ട ഓരോ വെണ്ടക്ക പ്രതീക്ഷിച്ചാണ് എന്നും പത്രം തുറക്കുന്നത്. ഇന്നും പ്രതീക്ഷ തെറ്റിയില്ല, ഇതേ മാതൃഭൂമിയില്‍ കിടക്കുന്നു ഒരൊന്നൊന്നര വാര്‍ത്ത. വള്ളി പുള്ളി വിടാതെ അത് താഴെ കൊടുക്കുന്നു

    അഞ്ചാംക്ലാസ്സിലെ പുസ്‌തകത്തില്‍ ഒരു പേജില്‍ 25 തെറ്റുകള്‍

    പെരുമ്പാവൂര്‍: പൊതുവിദ്യാഭ്യാസ വകുപ്പ്‌ പ്രസിദ്ധീകരിച്ച്‌ വിതരണംചെയ്‌ത അഞ്ചാം ക്ലാസ്സിലെ അടിസ്ഥാനശാസ്‌ത്രം പാഠപുസ്‌തകത്തില്‍ നിറയെ അക്ഷത്തെറ്റുകള്‍. പുസ്‌തകത്തിന്റെ 16-ാം പേജില്‍ 'മഴയുണ്ടാകുന്നത്‌' എന്ന തലക്കെട്ടില്‍ മാത്രമാണ്‌ തെറ്റില്ലാത്തത്‌. മഴയുണ്ടാകുന്നതിനെക്കുറിച്ച്‌ ചിത്രീകരണസഹിതമാണ്‌ പേജില്‍ വിവരിച്ചിരിക്കുന്നത്‌. ചിത്രം കൂടാതെ ആകെ ഏഴ്‌ വരികളുള്ളതില്‍ 25 തെറ്റുകള്‍. തിങ്കളാഴ്‌ചയാണ്‌ സ്‌കൂളുകളില്‍ പുസ്‌തകം വിതരണത്തിനെത്തിയത്‌.

    അമ്പമ്പോ! ഇത്രയും തെറ്റുകള്‍ മനുഷ്യ സാധ്യമോ എന്ന് അത്ഭുതപ്പെട്ട് തെറ്റുകളുടെ ആ മഹാസ്മാരകം ഒന്നു കണ്ടു കണ്‍ കുളിര്‍ക്കാന്‍ പുസ്തകം സംഘടിപ്പിച്ച് ആര്‍ത്തിയോടെ പതിനാറാം പേജു തുറന്നപ്പോളാണ് ശരിക്കും വണ്ടറടിച്ചത്. ഇന്നസെന്റ് പറഞ്ഞ ഡയലോഗു പോലെ ആ പഞ്ചായത്തിലെ അരി മുഴുവന്‍ പെറുക്കി നോക്കിയിട്ടും അക്ഷരപിഴവുകള്‍ പൊടിപോലുമില്ല കണ്ടു പിടിക്കാന്‍. ഇതെന്തു മറിമായം! ഇനി പെരുമ്പാവൂരില്‍ മാത്രം അങ്ങനെ ഒരു പൊത്തകം ഇറങ്ങി കാണുമോ? ഡി.ടി.പി.ഒന്നിച്ച് ചെയ്തതു കൊണ്ട് അങ്ങനെ വരാന്‍ സാധ്യത ഇല്ലല്ലോ?സത്യത്തില്‍ പിഴച്ചതാര്‍ക്കാണ്? വാര്‍ത്ത വീണ്ടും വായിച്ചപ്പോള്‍ അതില്‍ അക്ഷത്തെറ്റുകള്‍ പോലെ ചില മുഴുത്ത അക്ഷര പിഴവുകള്‍ കാണുകയും ചെയ്തു.
    അന്വേഷണാത്മക പത്രപ്രവര്‍ത്തനത്തിന്റെ തിടുക്കം? അതോ പാഠപുസ്തകം തയ്യാറാക്കുന്നതു പോലെ തികഞ്ഞ അശ്രദ്ധ? അതോ പൊതു വിദ്യാഭ്യാസത്തെ തകര്‍ക്കാനുള്ള എന്തെങ്കിലും അജണ്ട? ഭരണപ്പുരയുടെ ചുറ്റും മണ്ടി നടന്നു കുരക്കുന്ന വല്ല വീരന്മാര്‍ക്കും വേണ്‍ടിയുള്ള ഒരു കള്ളക്കളി ?
    പണ്ട് തുറക്കുന്ന അരവണപ്പാത്രത്തിലൊക്കെ എലിവാലു മുളപ്പിച്ച ഒരു ചരിത്രം ഉള്ളത് മറന്നിട്ടില്ല.
    എനിക്കൊന്നുമറിഞ്ഞുകൂട ശിവനേ!
    ഇനി അങ്ങനെയൊന്നുമല്ല സംഗതിയെങ്കില്‍ ഇതെന്റെ പിഴ ഇതെന്റെ പിഴ എന്ന് 'ചൊവ്വാദോഷം ' മുന്‍നിര്‍ത്തി മുന്‍ കൂറായി ഒരു ജാമ്യവും ഉണ്ടേ!
    N.B.വാര്‍ത്തക്കൊപ്പം അക്ഷരപ്പിഴയോടു കൂടിയ പുസ്തകപ്പേജിന്റെ ചിത്രമില്ലാത്തതുകൊണ്ട് പിഴവില്ലാത്ത പേജ് ഞാന്‍ സ്കാന്‍ ചെയ്ത് നല്‍കുന്നില്ല. വേണമെങ്കില്‍ പിന്നീട് ചേര്‍ക്കാം.
    http://sngscollege.info
    http://vijnanacintamani.org

    3 comments:

    1. ആ പഞ്ചായത്തിലെ അരി മുഴുവന്‍ പെറുക്കി നോക്കിയിട്ടും അക്ഷരപിഴവുകള്‍ പൊടിപോലുമില്ല കണ്ടു പിടിക്കാന്‍.
      അതെ, പോലീസുകാര്‍ക്കെന്താ ഈ വീട്ടില്‍ കാര്യം?

      ReplyDelete
    2. ആകെപ്പാടെ എന്തോ മണക്കുന്നല്ലോ...

      ReplyDelete
    3. Asanu 1 pizhachal 51 pizhaykum syshynu.........

      ReplyDelete

    പ്രതികരണങ്ങള്‍, സംശയങ്ങള്‍, ചോദ്യങ്ങള്‍ അറിയിക്കുക